【悍戰太平洋2】新預告軍官張晉霸氣現身 機械人總動員大亂鬥

暫定出年2月上畫的《悍戰太平洋2︰起義時刻》(Pacific Rim: Uprising),終於有首條預告見街。作為這類機械人大作戰電影,有冇新機種同武器睇至為關鍵。今次就絕對滿足晒大家要求,每隻機械人都有充足的Solo時間,至於人類角色方面,除了有主角《星球大戰:原力覺醒》黑人男星John Boyega外,最重要係有張晉同景甜,景小姐仲以兩個Close up鏡頭力壓張晉添!

 


電影自7月發佈一條新機種的介紹短片後,大家都好想睇這批機械人的實戰情況。在首條預告中,一行四枚新機種,各有新武器新招式,唔使再赤手空拳上陣,當中包括雙劍、電鑽、電鞭等,動作大咗,所以駕駛艙的活動空間都提升,兩個人揮鞭都有位剩。

機械人機種增添到4隻,隻隻有睇頭。(影片截圖)

作戰前熱血地跑一場,好日系。(影片截圖)

第二集的故事背景,設定在大戰後的10年,人類得以戰勝怪獸的機械人,已成為人類史上最強防禦武器,不過正所謂沒有最大,只有更大,從預告中就見到今集將會出現一頭更巨型的怪獸,促使要研發新機種以及為機隊注入年輕新血。電影去到澳洲拍攝,預告片所見,開戰的城市似係日本,至於上集的主戰場香港應該不復再了。

今次機械人佩備電鞭,駕駛員的動作都相對大番少少。(影片截圖)

資金再強,男主角始終係佢,《星球大戰:原力覺醒》黑人男星John Boyega(影片截圖)

至於點解要有景甜同張晉等中國影星出現,都唔使問又係資金問題啦!由於《悍戰太平洋》第一集票房在各地表現一般,只有中國強大的市場能一支獨秀,加上後來製作的電影公司傳奇影業(Legendary)與華納鬧翻瀕臨破產,要由白武士中國的萬達集團出手拯救。老闆不同了,演員陣容同故事當然都要有中國風味,所以演員名單就出現了景甜同張晉等中國演員。而短短兩分鐘的預告,好打得的張晉只有一個咆哮鏡頭,而甜度十足的景甜就有Chok Mode同驚恐Mode兩款畀大家揀,相信入到場仲有排你揀。

上一篇文章     下一篇文章

标签  

本文章來自網路,參觀原網域-原文地址     2018-03-19 11:07:36